آشیقلار دونیاسی (آشیق‌لیق صنعتی)

آشیق‌لیق مکتبی

ایکی ایله اوچده __ آیریلماز

ایکی ایله اوچده




فلک گل آل جانى قورتار منى بو زیللتدن .
بو خسته جانى خیلاص ائیله درد _ محنتدن.

داشا دؤنوبدو اورکلر تمددون عصرینده.
اؤلوبدو عاطیفه یوخدور اثر محببتدن.

گئییب ملک دونونو اؤلکه میزده شئیطانلار.
دؤنوبدو پیر _ موغاندا گؤزل طریقتدن.

ووصال حورویا خاطیر گئجه نامازى قیلیر.
نه شرم ائدیر نه حیا اول ریایی نییتدن.

آیاقلانیبدى شرف تاپدانیبدى ویجدانلار.
دانیشماییر داها بیر کیمسه عار قیرتدن.

آلیبدى دونیانى اینترنئت ایله کامپیوتر.
بیزیمده قیسمتیمیز تسبح اولدو صنعتدن.

ایکی ایله اوچده هله شکک ائدیر موسلمانلار.
گلیبدى تنگه تارى شککیلى عبادتدن.

بو کوفر سؤزلرى آرتیق دانیشما آیریلماز.
خورافات اهلینه چوخ سئویله مه حقیقتدن.

آیریلماز 

آردین گؤستر
سه شنبه 1398.6.5
بؤلوملر : شعرلر,

صبر ائدنلره بهشت وعده سی وئریلمیشدی !

#ماللانصیرالدین 
صبر ائدنلره بهشت وعده سى وئریلمیشدی!!!



ماللا بیر گون صحبت آراسیندا آروادینا دئییر: آرواد یاخشى بیلیرسن بیز بو دونیادا بیر آغ گون گؤرمه دیک. آمما یقینیم وار کى٬ او دونیادا بتر کئف چکه جه ییک. چونکى هر ایکیمیزده دینمز­سؤیله مز بهشته گئده جه ییک.
آرواد سوروشور: آى کیشى٬ بیر دئه گؤروم بونو سن هاردان بیلیرسن٬ کیم بونو سنه دئدى؟!

ماللا دئدى: هئچ کس بونو منه دئمه دى٬ من اؤزوم باشا دوشدوم. بیز ایکى نفر بیر عؤمور بیر­بیریمیز کیفیر سیر_صیفتیمیزه باخیب دؤزموشوک. مه یه سن بیلمیرسن کى آللاه صبر ائدنلره بهشت وعده سى وئرمیشدى؟ ....... 😂

آردین گؤستر
یکشنبه 1398.3.12

نه ده کی جوما !

نه  ده کى جوما !

#مالانصیرالدین

ماللا بیرزامان بویاقچى توکانى آچیر٬ بیر گون بیریسى اؤزیله بیر پارچا گتیریب دئییر: ماللا بو پارچانى منه بویا.
ماللا دئییر: منیم گؤزوم اوسته٬ آمما دئنه گؤروم نه رنگ بویویوم؟
مشترى دئییر: ائله بیر رنگ بویا کى٬ دونیادا او رنگین اوستونه رنگ اولماسین!
ماللا دئییر: آخى نئجه یانى دونیادا او رنگین اوستونه رنگ اولماسین؟!!
مشترى دئییر: یعنى نه قیرمیزى اولسون٬ نه قارا اولسون٬ نه گؤى اولسون٬ نه یاشیل اولسون٬ نه سارى ٬ نه ده کى آغ اولسون.
ماللا باشا دوشورکى مشترى اونونلا باش­باشا قویماق ایستیر٬ بونا گؤره ده دئییر: یاخشى٬ قوى قالسین بویارام. اؤزوده لاپ سن ایسته یه نى بویارام٠
مشترى دئییر: آى آتان رحمتده٬ اوندا هانکى گون گلیم آپاریم؟

ماللا دئییر: ائله گل کى٬ نه شنبه اولسون٬ نه شنبه صاباحى٬ نه هفته اوچو٬ نه چرشنبه آخشامى٬ نه چرشنبه٬ نه جوما آخشامى٬ نه ده کى جوما . . .

آردین گؤستر
یکشنبه 1398.3.12

آنا دیلیمیزین قایدالاری _ 5


آردیجیللیق یاساسی ( توالی اصوات قانونو)؛
بو یاسا اساس‌دا دیلیمیزده بیر سؤزجویون سسلی‌لری اینجه سسلی اولورسا اونا یاپیشان اکلرین( پسوندلرین) سسلی‌لریده اینجه اولاجاق.
قالین اولورسا قالین.
اؤرنک؛
اینک+ چی+لر
İnək+çi+lər
باخین اینک سؤزونده ایشله‌نن سس‌لر اینجه‌دیرلر و اونا یاپیشان اکلرین سسلی‌لری ده اینجه سسلی‌دیرلر.

آلما+لیق+لار+دان
Alma+lıq+lar+dan
باخین آلما دا گلن سسلر قالین سسلی اولاراق، اونا یاپیشان اکلرین سسلی‌لری‌ده قالین دیرلار


➖➖➖فارسجاسی‼️➖➖➖➖
قانون توالی اصوات:
بر اساس این قانون اگر حروف صدادار یک کلمه نازک باشند، حروف صدادار پسوندهای بعداز کلمه نیز نازک خواهند بود

اگر کلفت باشد صدادارهای پسوندها نیز کلفت خواهند بود
مثال:
اینک+ چی+ لر
İnək+ çi + lər
همانطور که می بینید در کلمه "اینَک" صدادارها نازک هستند و پسوندهای اضافه شده نیز صدادار نازک دارند

آلما+لیق+ لار+ دان
Alma + lıq + lar + dan
در این کلمه "آلما" نیز صدادارها کلفت هستند پس بنابراین پسوندهای اضافه شده صدادار کلفت دارند

آردین گؤستر
جمعه 1398.2.27

آنا دیلیمیزین قایدالاری _ 4

سس اویغونلوق یاساسی؛
بو یاسا اساس‌دا بیر سؤزجوکده( کلمه)‌ده، ایشله‌نن سسلی‌لر، بیر قوروپدان اولمالیدیر
ایلک سسلی‌میز اینجه اولورسا قالان سسلی‌لری‌ده اینجه‌دیر، ایلک سسیمیز قالین اولورسا، قالان سسلی‌لری قالین‌دیرلار.
اؤرنک؛
سئوگیلیلریمیزدن‌دیرلر
Sevgililərimizdəndirlər
گؤروندویو کیمی بو سؤزجوکده ایشله‌نن ایلک سسیمیز e ، اینجه سسلی‌لردندیرلر و اونون آردیجا گلن سسلی‌لر اینجه سسلی‌دیرلر

Ağaclıqlarımız
آغاجلیق‌لاریمیز
باخین A سسی قالین سسلی‌لردندیر و اونون آردیجا گلن سسلی‌لر قالین سسلی‌لردندیرلر.


فارسجاسی‼️➖➖➖➖➖➖

قانون هماهنگی اصوات؛
بر اساس این قانون در کلمات اصیل ترکی حروف صدا دار از یک گروه هستند یا تماما کلفت هستند یا تماما نازک
در یک کلمه اگر اولین حرف صدا دار نازک باشند مابقی صدا دارها حروف نازک هستند

و اگر اولین صدادار کلفت باشد مابقی صدا دارها کلفت می آیند
مثال:
سئوگیلیلریمیزدن دیرلر
Sevgililәrimizdәndirlәr
همانطور که می بینید در این کلمه صدادار اول e هست.و از صدادارهای نازک است و تمام صدادارها بعد از این همگی نازک هستند

Ağaclıqlarımız
آغاجلیقلاریمیز
در این کلمه نیز اولین حرف صدادار از گروه کلفت هست پس بنابراین تمام صدادارهای بعد از این صدادار کلفت هستند


___________________________________________________________



ı-------->a.ı

a-------->a.ı

e-------->ə.i

i--------->ə.i

ə--------->ə.i

o-------->u.a.ı

u--------->ı.u.a

ö------->ü.ə.i

ü------>ü.ə.i







تلگرام کانالیمیز : 

https://t.me/AshiglarDunyasi

آردین گؤستر
چهارشنبه 1398.2.18

شعر

«آشیق تانینماق»

آشیق تانینماغین نئچه شرطی‌وار
بیری‌ادب،بیری‌سازدی،بیری‌سؤز
سؤزشاعیردن،سازاوستاددان،دَب‌ائلدن
دانیش،اوخو،چال،دئمه‌سین،‌بیری،سؤز


غَوّاص اولوب سؤزبَحرینده اوز،اؤیرَن
دوز ائشیت،دوز اوخو،دوزچال،دوز اؤیرن
پته کدن بال میثلی سؤزو،سوز،اؤیرن
ایثبات ائدر ،ایکی،اوچو،بیری،سؤز


هرکلمه‌نین تانی یئرین مقامین
دولدور سؤزشربتین دولاندیر جامین
«قیزیل‌قلم»تامسین خوش‌سؤزون‌طامین
اوره‌کلری سئویندیرر بیر ایی سؤز

«قیزیل‌قلم»

آردین گؤستر
سه شنبه 1398.2.17
بؤلوملر : شعرلر,

آنا دیلیمیزین قایدالاری _ 3


هر بیر دیلین الیفباسیندا سسلی و سس سیز حرفلر وار.
بو 9 سس (حرف) تورکجه میزین سسلی سسلریدیر (حروف صدادار_مصوت)

Ə»»ا ، ه 
E»» ئ ، ائ
A»» آ ، ا
İ »»ای ، ی
I»» اؽ ، ؽ
Ü»»اۆ ، ۆ
Ö »» اؤ ، ؤ
O»»اۏ ، ۏ
U»» اۇ ، ۇ


💯 دیلیمیزین سسلی‌لری چوخ اؤنم داشیییرلار، بو اوزدن دوزگون اؤیره نیلمه سی گره کیر.

سسلی‌لریمیز نئچه اؤنملی بؤلمه‌ده یئر آلیرلار
اینجه- قالین؛
سسلی‌لریمیز بوغازدان ائشییه چیخدیقلاری و هابئله خیرتده‌ییمیزین هاراسیندان قایناقلانمالارینا گؤره ایکی اؤنملی بؤلمه‌یه بؤلونورلر
اینجه سسلی‌لر؛ سسلریمیزدن بئش دنه‌سی اینجه دیرلر، بو سسلر؛
e-ə-i-ö-ü
بو سسلر آغیزدا قالین سسلره گؤره آغیزین اوجوندا دئییلیر
 
قالین سسلی‌لر
بو سسلر بوغازدا دیبدن چیخیر
a-ı-o-u

فارسجاسی‼️➖➖➖➖➖➖

الفبای هر زبانی دارای  حروف صامت (بی صدا) و مصوت (صدادار)است.
این 9 تا حرف ، حروف صدادار زبان ترکی هستن.
Ə»»ا ، ه 
E»» ئ ، ائ
A»» آ ، ا
İ »»ای ، ی
I»» اؽ ، ؽ
Ü»»اۆ ، ۆ
Ö »» اؤ ، ؤ
O»»اۏ ، ۏ
U»» اۇ ، ۇ



حروف صدا دار:
حروف صدا دار در ترکی اهمیت خیلی زیادی دارند، برای همین یاد گرفتن صحیح آنها و چگونگی بکار بستنشان از اهمیت ویژه ای برخوردار است،
حروف صدا دار در ترکی در چند تقسیمات مهم کاربرد دارند
نازک -ضخیم (اینجه، قالین)
حروف صدادار در هنگام بیرون آمدن از گلو و حنجره به دو بخش تقسیم میشوند
صداهای نازک: این حروف پنج تاست:
e-ə-i -ö -ü
این حروفات و اصوات در قسمت جلو دهن ادا میشوند

حروفات و صدادارهای کلفت و ضخیم:
اینها از گلو ادا میشوند
a -ı -o -u


تلگرام کانالیمیز : 

https://t.me/AshiglarDunyasi

آردین گؤستر
سه شنبه 1398.2.17

آنا دیلیمیزین قایدالاری _ 2



الیفبا     əlifba  

دیلیمیزی لاتین الیفبایلا یازاندا 32 سسی (حرف) وار

(آمما عرب الیفباسیلا یازیلاندا 40 دنه اولور. " ث.ح.ذ.ص.ض.ط.ظ.ع"  سسلری ده آرتیریلیر)

A-a     آ
Ana     آنا

B-b     ب
Bal      بال

C-c     ج
İncəاینجه

Ç-ç     چ
Çiçək  چیچک

D-d      د
Daban  دابان

E-e     ائ_ئ
Yel  یئل

Ə-ə     اَ َ ه
Əlcək    الجک
Dədə   دده
Dənə   دنه

F-f     ف
Qaflan  قافلان

G-g     گ
Gəlin  گلین

H-h     ح
Haray  هارای

İ-i    ای _ ی
İlmək  ایلمک

I-ı     اؽ ، ؽ
Ildırım  ایلدیریم 
Qıç    قیچ


J-j     ژ
Vıjıltı  ویژیلتی

K-k     ک
Kiprik کیپریک

L-l     ل
Gilə  گیله

M-m     م
Milçək میلچک

N-n     ن
Dinlə  دینله

O-o     اوْ، وْ
Ocaq اوْجاق

Ö-ö     اؤ _ ؤ
Özgür  اؤزگور
Ölüm   اؤلوم(مرگ)

P-p     پ
Pıçaq  پیچاق

Q-q     ق
Qutsal  قوتسال
Qurd   قورد(گرگ)


Ğ-ğ     غ
Bağlı  باغلی

R-r     ر
Durna  دورنا

S-s     س
Sevgi  سئوگی

Ş-ş    ش
Şimşək  شیمشک

T-t     ت
Telli  تئللی

U-u     وُ،اۇ
Ucuz  )ارزان)اۇجوز

Ü-ü      اۆ، ۆ
Ürək  اۆرک
Üzüm     اۆزوم(انگور)


V-v     و
Varlıq  وارلیق

Y-y     ی
Yasaq  یاساق

X-x     خ
Xalça  خالچا

Z-z     ز
Qazanc  قازانج




آردین گؤستر
دوشنبه 1398.2.16

آنا دیلیمیزین قایدالاری _ 1

#دیلیمیزین_قایدالاری


دونیا دیللری دؤرد بؤلمه‌ده یئر آلیرلار
۱) تک هیجالی دیللر
چین ٬ تبت و.... اؤلکه‌لرده دانیشیلار
بو دیللرده ائیلم( فئعل) سؤزو ثابیت‌دیر و صرف اولونماز اؤرنک اوچون؛
من گل
سن گل
او گل
بیز گل
و...
بو سیرا دیللر بو اؤزه‌للیک‌لرینه گؤره چوخ سایی‌دا الیفبادان یارارلانیرار
چین دیلینده مینه یاخین الیفبا ساییسی وار.

۲) تحلیلی( قالبی) دیللر
عرب- سامی و.... دیللری
بو دیللرده ائیلم( فئعل) فرقلی چاغلاردا فرقلی قالیب‌لره گیریر و فئعل اؤز ماهیتینی الدن وئریر
باخین عربجه‌ده بابلاری اوخویارکن؛
ثلاثی لردن سونرا بیر سیراسینی دئییلیر بو بابلار سماعی دیرلر و یالنیز گرک ازبرله‌ییب و اؤیره‌نک بیر قایدا ، قورال لا یارانماییب

۳) تصریفی دیللر؛
فارس- هیند  اوروپا- ایسلاو و....

بو دیللرده فئعل صرف اولونارکن کؤک آرادان گئدیر
اؤرنک؛ 
رفتن( مصدر)← رفت( بن ماضی)← برو( امر)← رو( بن مضارع)
رفتن← می‌روم
باخین گؤرون میروم هاراسی رفت فئعلیله ایلگی‌ده
یوخسا اینگیلیزجه‌ده؛
Go-gone- went
فئعل بوتونلوکجه کؤکون الدن وئریر 
و....

۴) ایلتیصاقی( یاپیشقان) دیللر؛
تورکجه- ژاپون- کوره-فین- ماجار- موغول و...
بو دیللرده سؤزون کؤکو ثابیت قالیر و اونا آرتیریلان اک‌لر(پسوندلر) هامیسی اونا یاپیشیب کؤک ثابیت قالار
باخ← باخیر← باخیردیم
سئو+ گی+‌لی+ لر+ یمیز+ دن+ دیر+لر


او اساسدا آنا دیلیمیز دونیانین ان قایدالی دیللریندن بیری اولاراق
یالنیز بیر یاردیمچی ائیلمی ( فئعل ناقص/ کمکی) اولاراق باشقا دیللره ساییلماز اوستونلویو وار
اؤرنک اوچون؛ صیفت‌لر دیلیمیزده دوققوز درجه‌دیرلر
سسلی‌لر دوققوز سسلی‌دیر
التقای ساکنین یوخوموز
و...



آردین گؤستر
دوشنبه 1398.2.16

آشیق باهارعلی دن بیر احوالات _ نوروز بایرامی

آشیق باهارعلی دن بیر احوالات

 

 

 

 

   

        نوروز بایرامی یاخینلاشیر میلله تین ایچینده بیر قالماقال توشوب اؤزونو بایراما حاضیرلاییر. آمما بخت آدامینان یار اولمایاندا ، بایرامین آدی بئله عذابدیر!  نئچه آی اولار کی آشیق باهار هئچ بیر تویا گئتمه ییب و ایقتیصادی دورومو یاخشی دئییل و تکجه یئییب ایچمه یه بیر میقدار پول قالیب.بو احوالتدا بیر گون سحرچاغی قاپی چالینیب آشیق باهار اوره یینده سئوینیب کی اولمایا تویچو گلیب !؟

آمما آچیلاندان سونرا بللی اولوب بزازدی،گلیب حسابین آلسین . آرواددان سوروشوب کی بو نه بورجودو !؟

آرواد جاواب وئریر : نئچه گون قاباق آنام گلمیشدی یادیندا ؟

آشیق جواب وئریب : بلی .

آرواد دئییب : اولار منیم بایراملیغیمی گتیرمیشدیرلر. منده اونا گؤره بو بزازدان بیر دونلوق آلدیم آنام گیله گئدنده آناما پای وئرم.

گؤرور دای چاراسی یوخدو بزازی یولا سالیب گئدیر ، آمما باهارین احوالاتی پوزلوب فیکره دالیر ائله بونا دوشونورکن سازا گؤزو ساتاشیر آلیب گؤرک نوروز بایرامینا نئچه دئییب :

 

ائوه   سالیر    گؤر نه  تالان

گلنده      نوروز      بایرامی

اوشاغا      ساتیلیر     یالان

گلنده      نوروز      بایرامی


دئدیم  آرواد  بو  نه   هایدی

دئدی  دوستان  گلن  پایدی

دئدیم کاش قیچی سینایدی

گلنده      نوروز      بایرامی

 

نیسیه نی   بول    کسدیریر

بزازلارا     قول    کسدیریر

اسلحه سیز  یول  کسدیریر

گلنده      نوروز     بایرامی

 

نوروز   گلیر  گول لر   آچیر

بوشلولارین    رنگی   قاچیر

باشا  بؤیوک  بیر  درد  آچیر

گلنده      نوروز      بایرامی

 

بختی   آغدی    بنزیر   قارا

ایندی   قولاق    وئر  باهارا

بیلمیرم   باخ    قاچیم   هارا

گلنده      نوروز      بایرامی




تلگرام کانالیمیز : 

https://t.me/AshiglarDunyasi

آردین گؤستر
چهارشنبه 1392.12.21
بؤلوملر : شعرلر,
وبلاقا گؤره


آشیق‌لیق صنعتی
سون یازیلار
بؤلوملر
آچارسؤزلر
سورغو
  • تلگرام کانالیمیزدا و اینستاگرام صفحه میزده وارسینیزمی ؟
باغلانتی لار
ساخلانج
سایغاج
  • ایندی وبلاقدا :
  • بو گونون گؤروشو :
  • دونه نین گؤروشو:
  • بو آیین گؤروشو :
  • بوتون گؤروشلر :
  • یازیلار :
  • باخیشلار :
  • یئنیله مه چاغی :
تام حقوق لار قورونور. آرزوبلاق دان گوج آلیب.