تاباغی دوز قوی جانیم٬ باخیلماغا اوز قوی جانیم!

تاپان تاپانین اولسا چؤلده چوبان خان اولار.

تاپاندا حالیم هالای٬ تاپمایاندا حالیم قولای.

تارلانین داشلیسی٬ قیزین ساچلیسی٬ اوكوزون یئكه باشلیسی.

تازا سوپورگه تمیز سوپورر.

تازا كوزه سویو سرین ساخلار.

تازا گلدی بازاردان٬ كهنه دوشدو نظردن.

تازینین هیزلیگیندن دوشان سامانلیقدا بالالار.

تایون-توشون باب ایله٬ گؤرن دئسین ها بئله!

تك الدن سس چیخماز.

تله دن اؤزون قورتاران تولكو٬ بیرده تله یه دوشمز.

تله سن تندیره دوشر.

تویدا اولسا تویوغون یاسیدیر٬ یاس دا اولسا تویوغون یاسی دیر.

تووبا توخلوقدان چیخار٬ دعوا یوخلوقدان (آجلیقدان)

تورشولو آش یاخشی اولار٬ بیر گون سیزده٬ بیر گون بیزده.

توسباغا قینیندان چیخدی٬ قینینی بگنمه دی.

توخون آجدان خبری اولماز.

توخ تویوغونان ال به یاخا٬ آج سویوغونان.

تندیر ایستی كن٬ چؤره یی یاپماق گرك.

تویوغو بوغدا آنبارینا سالسان ائشینماغیندان ال چكمز.

تویوق اؤلسه بیر چنگه توكدور٬ دوه اولسه دریسی بیر دوه یه یوكدور.

تویوغون پیسی ایكی ساریلی یومورتدار.

تویوق ایستر قاز یئریشی یئریسین٬ اؤز یئریشین ده ایتیرر.

تویوق تاپانین موشتولوغو بیر یومورتا.

توتولمایان اوغرو خاندان و بگدن یئیدیر.

تورش آلچادیر٬ گؤره نین آغزی سولانیر٬ یئیه نین آغزی قاماشیر.

تولانین آخماغی توتدوغونو بوراخار٬ قاچانین دالینجا قاچار.

تولكو اولاندان بئله اوتویه دوشمه میشدی.

تولكو ایكی دفعه تله یه دوشمز.

تولكو چوخ بیلمیش لیگیندن تله یه دوشر.

تولكو دییه ر: اؤزومدن اؤترو دئمیرم٬ اما اوزومسوز باغین كؤكو قوروسون.

تولكو سوواقلی باغا گیرمز.

تولكو وار باش قوپاردار٬ قوردون آدی بدنامدی.

تولكویه دئدیلر تویوق كبابی یئییرسن؟ دئدی: ائله سؤز دئییرسیزكی آدامین گولماغی گلیر.

تومانچاغین یوخوسونا بوزمه لی تومان گیرر.

تئز اله گلن تئز الدن گئدر.

تئز چاپان٬ تئز چاتار.

تیكان اكن گول بیچمز.

تیكان اولوب آیاغا باتینجا٬ گول اولوب یاخایا سانجیل!

تیكه ایله دوست اولان٬ ایللر كوسولو قالار.

تیكه دوستوندان دوست اولماز.

تیكه قارین دویورماز٬ محبت آرتیرار.

تیكه نی ائله گؤتور كی٬ اودا بیله سن.