آشیقلار دونیاسی (آشیق‌لیق صنعتی)

آشیق‌لیق مکتبی

""دیبسیز آخماقلیق ""


بیر گون "سینوهه " نیل چایی نین قیراغیندا کئفلی اولدوغو حالدا یوخویا گئدیر سحر دوردوغوندا قولاقلاری و بورنو کسیلمیش بیر "قوُل"(برده_ نؤکر) باشینین اوستونده گؤردویونده قورخور ، آمما اوندان ضرر گؤرمه دی یینی باشا دوشندن سونرا اونونلا دانیشماغا باشلاییر.

قول اونا ظالیم وارلیلارین ائتدی یی ظولملردن و فئوداللارین قددارلیقلاریندان دئییر.

او سینوهه نین ساوادلی اولدوغوندان دولایی ایسته ییرکی اونو بیر آدلیم قددار وارلی نین قبرینین اوستونه آپارسین و اونون قبرینین اوستونده یازیلانلاری اونا اوخوسون.

سینوهه سوروشور ندن ایسته ییرسن بونلاری من سنه اوخویام اونون یاشاییشی سنین نه ایشینه گله جک ؟
قول دئییر : ایللر اؤنجه من موتلو و اؤزگور بیر اینسان ایدیم، گؤزل بیر آروادیم و جاوان بیر قیزیم و بالاجا آمما برکتلی بیر یئریم ده بیر وارلینین قوجامان یئری نین یانیندا واریم ایدی. بیر گون او وارلی فیرعونون آداملارینا روشوه وئره رک منیم یئریم اؤز آدینا یازدیردی و منیم گؤزوم قاباغیندا آرواد اوشاغیما تجاووز ائتدی و منیم ده قولاقلاریمی و بورنومو کسیب زورلا چالیشما معدنه آپاردیلار.
ایللر بویو منیم قیزیم  آروادیمی ایستیثمار ائدیب و اونلاری قول آدینا ساتیب و منیم ایندی اونلاردان خبریم یوخدو.
ایندی معدن ده چالیشماقدان قورتولموشام، بیلمیشم کی او وارلی اؤلوب. بونون اوچون گلمیشم گؤرم تانریلار اونون حاققیندا نه لر یازیب....

سینوهه او قول ایله اؤلولر شهرینه گئدیب و قبرین اوستونده کی لری اوخویور :

{{ بو بیر شریف و دوز اینسان ایدی. داییم حایاتیندا کاسیبلارا و یوخسوللارا یاردیم ائدیب و کوتله نین ناموسو اونون یانیندا حوضورو واریدی . او اؤز یئرلرین کاسیبلارا باغیشلاردی. هر کسین مالی ایتسه ایدی اؤز مالیندا اونون مالینین قارشیلیغین وئرردی. او ایندی میصرین بؤیوک تانری سی آمونون یانیندادیر و داییمی سعادته چاتیب...}}

بو حالدا ، قول آغلاماغا باشلاییب و دئییر : 
" او بئله بیر شرفلی و دوز اینسانیمیش من بیلمه ییردیم می ؟ تانری نین سلامی اونا اولسون ... ائی تانری ائی بؤیوک آمون منی بو کیشی نین حاققیندا چیرکین دوشونجه لریمه گؤره باغیشلا... " !!!

سینوهه شاشقین حالدا قولدان سوروشور:
بو آدام بیر بئله سنه ظولم و آجینی یاشادیب و سن نییه اونا دوزعمللی و شریف اینسان دئییرسن؟

قول بو تاریخی سؤزو دئمه یه باشلاییر :
" بیر حالدا کی تانریلار اونون حاققیندا بئله یازیب، من کیم اولام اونلارین سؤزلرینه قارشی سؤز دئیم !!!!!!!!؟؟؟؟؟؟؟ "

سینوهه سونرالار بو اولایی یازاندا بئله دئییر:

"""" اوردا بیلدیم کی اینسانین آخماقلیغینین دیبی یوخ و هر دؤورده اونون آخماقلیغیندان و خورافاتا اویماسیندان ایستیفاده ائله مک اولار """"

آردین گؤستر
دوشنبه 1398.10.16
بؤلوملر : یازیلار,

صبر ائدنلره بهشت وعده سی وئریلمیشدی !

#ماللانصیرالدین 
صبر ائدنلره بهشت وعده سى وئریلمیشدی!!!



ماللا بیر گون صحبت آراسیندا آروادینا دئییر: آرواد یاخشى بیلیرسن بیز بو دونیادا بیر آغ گون گؤرمه دیک. آمما یقینیم وار کى٬ او دونیادا بتر کئف چکه جه ییک. چونکى هر ایکیمیزده دینمز­سؤیله مز بهشته گئده جه ییک.
آرواد سوروشور: آى کیشى٬ بیر دئه گؤروم بونو سن هاردان بیلیرسن٬ کیم بونو سنه دئدى؟!

ماللا دئدى: هئچ کس بونو منه دئمه دى٬ من اؤزوم باشا دوشدوم. بیز ایکى نفر بیر عؤمور بیر­بیریمیز کیفیر سیر_صیفتیمیزه باخیب دؤزموشوک. مه یه سن بیلمیرسن کى آللاه صبر ائدنلره بهشت وعده سى وئرمیشدى؟ ....... 😂

آردین گؤستر
یکشنبه 1398.3.12
بؤلوملر : یازیلار,

نه ده کی جوما !

نه  ده کى جوما !

#مالانصیرالدین

ماللا بیرزامان بویاقچى توکانى آچیر٬ بیر گون بیریسى اؤزیله بیر پارچا گتیریب دئییر: ماللا بو پارچانى منه بویا.
ماللا دئییر: منیم گؤزوم اوسته٬ آمما دئنه گؤروم نه رنگ بویویوم؟
مشترى دئییر: ائله بیر رنگ بویا کى٬ دونیادا او رنگین اوستونه رنگ اولماسین!
ماللا دئییر: آخى نئجه یانى دونیادا او رنگین اوستونه رنگ اولماسین؟!!
مشترى دئییر: یعنى نه قیرمیزى اولسون٬ نه قارا اولسون٬ نه گؤى اولسون٬ نه یاشیل اولسون٬ نه سارى ٬ نه ده کى آغ اولسون.
ماللا باشا دوشورکى مشترى اونونلا باش­باشا قویماق ایستیر٬ بونا گؤره ده دئییر: یاخشى٬ قوى قالسین بویارام. اؤزوده لاپ سن ایسته یه نى بویارام٠
مشترى دئییر: آى آتان رحمتده٬ اوندا هانکى گون گلیم آپاریم؟

ماللا دئییر: ائله گل کى٬ نه شنبه اولسون٬ نه شنبه صاباحى٬ نه هفته اوچو٬ نه چرشنبه آخشامى٬ نه چرشنبه٬ نه جوما آخشامى٬ نه ده کى جوما . . .

آردین گؤستر
یکشنبه 1398.3.12
بؤلوملر : یازیلار,