باجاریرسان دوست قازان٬ دوشمان اوجاق باشیندا.

باخدین یارین یار دگیل٬ تركین قیلماق عار دگیل.

باخماقلا اؤرگنمك اولسایدی٬ كؤپكلر قصاب اولاردی.

باش باشا سؤیكنمه سه٬ داش یئریندن ترپنمز.

باش كسه نین٬ داش كسه نین٬ آغاجی یاش كسه نین آخیری اولماز.

باشووا كول اله سن ده٬ باری اوجا كوللوكدن اله!

باش یئكه اولدو نه فایدا٬ ایچینده بئیین گرك.

باغبان پاخیل اولماسا٬ باغا دووار نه گرك؟ ( باغ دوواری نئیله ییر؟)

باغ اییه سی باغینا قییدی٬ باغبان بیر سالخیما قییمادی.

بالا دادی بال دادی٬ بالا آدام آلدادی٬ شیرینی شیرین اولور٬ آجیسی دا بال دادی.

بال توتان بارماق یالار.

بایرامدا دؤیونن ده اولور٬ سئوینن ده.

بورجلو-بورجلونون ساغلیغین ایستر.

بورجلونون دیلی قیسا اولار.

بورج وئرمكله اؤده نر٬ ایش گؤرمكله توكه نر.

بوستانی ور ساخلار٬ آروادی ار.

بوش ائششك یورغا گئدر.

بولاغین سویو اؤزوندن گرك٬ سو تؤكمكله بولاق سو وئرمز.

بؤیوك باشین بؤیوك بلاسی اولار.

بؤیوكلرله اوتور٬ دور٬ كیچیكلره گؤستر یول.

بؤیوگونو تانیمایان٬ تاریسینی دا تانیماز.

بؤیوگه بؤیوك دئییبلر٬ كیچیگه كیچیك.

بو آرخا بیر سو گلیب٬ امید وار بیرده گله.

بو ایل كی سئرچه٬ بیلدیركی سئرچیه٬ جیك-جیك اؤیره دیر.

بورجلو بورجلونون ساغلیغین ایستر.

بودا ائششگین سوروركی٬ منده ماماغانلىیام.

بوخچاداكی اگنینده٬ تاخچاداكی قارنیندا.

بوردا وورور قیلینجی٬ حلبده اوینور اوجو.

بوغدا اولمایان یئرده٬ دارینی گؤزه تپرلر.

بوغدا چؤره گین اولماسا٬ بوغدا دیلین اولسون باری.

بوغدام وار دئمه آنبارا تؤكمه یینجه٬ ائویم وار دئمه ایچینه كؤچمه یینجه.

بو قولاغیندان آلیب٬ او بیری قولاغیندان اوتورر.

بو گون ایلن چؤرك قازان آپار وئر نورجهان یئسین٬ دیندیر مه یامان دئسین.

بولانماسا دورولماز.

بوندان فاطمییا تومان (دیزلیك )  اولماز.

بیر ناخیرین آدینی بیر آلا دانا كورلار(باتیرار)٬

بیری آجیندان تومانین ساتیردی٬ بیری دئدی: گل٬ قمه قینی ایله دگیشك!

بیری باتمان اولاندا٬ او بیری یاریم باتمان گرك.

بیرینه دئدیلر: دده وین آج گوورونا٬ دئدی: میه واری ایدی كی یئمه دی؟

بیرینی كنده قویموردولار ( یول وئرمیردیلر) كدخدانین ائوینی سوروشوردو.

بیز اومود اولدوق دازا٬ دازدا اؤزون قویدو نازا.

بئش بارماغین بئشی ده بیر دگیل.

بئشده آلاجاغیم یوخ٬ اوچده وئره جاغیم.

بئله اوتلایانسان قویروغون هانی؟

بئله یئرده اوتور كی٬ دئمه سینلر دور بوردان.

بیر آجیقلاناندا اؤزونو ساخلا٬ بیر گیجیكلننده.

بیر آدامین پایی ایكی آدامی دویورماز (آج قویار)

بیر آزدان قالار٬ بیر چوخدان.

بیر آغیزدان چیخان مین آغیزا (بیر اوردویا) یاییلار.

بیر الده ایكی قارپیز توتماق اولماز.

بیر الی دالیندا٬ بیر الی قاباغیندا.

بیر ایشی قورتارمامیش٬ او بیری ایشه ال قویما.

بیر ایگنه اؤزونه باتیر٬ بیر چووالدوزاؤزگه یه.

بیر باتمان تانباكی چكیلیب٬ ایندی دئییر كیمین تویودور.

بیر بارماق بوینوز بیر آرشین قویروقدان یاخشیدیر.

بیر تیكه نی بیلمه ین٬ مین تیكه نی ده بیلمز.

بیر چیراغ ایشیغیندا یوز آدام ایشیقلانار.

بیر دلی قویویا داش سالار٬ مین عغیللی چیخاردانماز.

بیر سوبای اوغلان٬ بیر میتیل یورغان.

بیر شهره گیردون گؤردون هامی كور٬ سن ده كور.

بیر قاش-قاباق یوز قوناغی قووار.

بیر گونلوك یولا چیخیرسان٬ بیر هفته لیك زومار گؤتور.

بیر گون بایراما قالسادا٬ قیش قیشلیغینی ایشلر.