جاوان ایكن قوجالماغا گوج ساخلا٬ وارلی گونده یوخسوللوغا پول ساخلا٬ ساواشاندا باریشماغا اوز ساخلا.

جاوانلیقدا داش داشی٬ قوجالاندا ایچ آشی.

جانیمی دا آلیرسان٬ باری گوله-گوله آل!

جاندان قونشو پایی اولماز

جان سنین جهنم تارینین!

جواهر جیندا آراسیندا اولار.

جهننمه گئدن اؤزونه یولداش آختارار.

جوتچو یاغینلیق ایستر٬ یولچو قوراخلیق.

جوته گئدن اؤكوز گؤزوندن تانینار.

جوجه نی پاییزدا سایارلار(سانارلار).

جوجه همیشه سبد آلتدا قالماز.

جویودون الی بوشا چیخاندا كؤهنه حسابلاری (دفترلری) آراشدیرار.

جیدانی اوغورلایان گیزلتمه سینی ده باجارار.

جئیرانین قاچیشینی گؤردوم٬ اتیندن ال اوزدوم.

جیس مادیان بالاسینی دؤشونده ساخلار.

جینه بؤرك تیكر٬ شیطانا پاپیش.

چاخچاخ باشینی یئره دؤیر٬ دییرمان ایشین ( بیلدیگین ائلر).

چاریغینی تاپان پتاواسینی دا تاپار.

چاریقلی چاریقلی ایله٬ ساریقلی ساریقلی ایله.

چاغریلان یئره ارینمه٬ چاغریلمایان یئرده گؤرونمه!

چاغریلمایان یئره ایت ایله پیشیك گئدر.

چاغریلمامیش قوناغی قاش-قاباقلا قووارلار.

چاققالدان چوخ چاریق آپاران اولماز٬ یئنه ده آیاق یالیندیر.

چاققال وار باش قوپارار٬ قوردون آدی بدنامدی.

چالیش گیلن دوست قازان٬ دشمن اوجاق باشیندا.

چای قوشو نو چای داشی ایله وورارلار.

چرچینین آندی ییغیشار٬ ائششه گینین قیچی سینار.

چرشاب-جوراب ایچینده هامی آروادلار گؤزلدیر.

چكیرتگه سویونا گؤنده ردیلر٬ گئتدی چگیرتگه گتیردی.

چوبانسیز سورو یول آزار.

چوبانسیز قویونا قورد گیرر(تپیلر)

چوبانین گویلو اولسا تكه دن پنیر توتار.

چوخا تاماح ساللایان٬ آزی دا الدن وئرر.

چوخ آند ایچه نین آندینا اینانمازلار.

چوخ ایت (كؤپك) هورمه گینی باشارماز٬ كنده قوناق آرتیرار.

چوخ بیلسن ده آز دانیش!

چوخ بیلیب آز دانیشماق ایگیدین لنگریدیر.

چوخ بیلن چوخ چكر.

چوخ دانیشان چوخ یانیلار (یاهالار).

چوخ دانیشانین آغزی یئكه اولار.

چوخ كوپلر یانیندا كوزه لر سینیب.

چوخ آدام دده سینین گؤزونو چیخارتدی كی بلكه اونا كوراوغلو دئسینلر٬ اما كور كیشینین اوغلو دئدیلر.

چوخ یئمكلیك آدامی آز یئمكلیكدن قویار.

چور دئینه جان دئسن٬ بیلمم نه یین اسكیلر.

چوماق چورلویا دگر.

چؤره یی آت دریایا٬ بالیق بیلمه سه خالیق بیلر.

چؤره گین وار ایشین ایشدیر٬ چؤره گین یوخسا ایشین یاشدیر.

چؤلمك داشا توخونسا٬ وای چؤلمه گین گونونه٬ داش چؤلمه گه توخونسا گئنه وای چؤلمگین گونونه!

چؤلمك دیغیرلانار٬ دوواغین تاپار.

چؤلمك دییه ر دیبیم قیزیلداندی٬ قاشیق دییه ر من دولانیب چیخمیشام.

چؤلمه یه وئره-وئره چیخار قازان بهاسینا.

چوروك ایپله قویویا دوشن چیخانماز.

چوروك تاختا چوى (میخ) ساخلاماز.

چؤیزه نی چوخ ال له  سن چیبان اولور.

چیخان قان داماردا قالماز.

چیراغ اؤز دیبینه ایشیق وئرمز.

چیركین بزه نینجه توی الدن گئدر.

چیلپاغین یول كسندن ( حرامیدن) نه پرواسی.

چیی سود قایماق باغلاماز.

حاتملیك واردان اولار٬ وار اولماسا هاردان اولار؟

حاجا گئدن گلدی٬ ساجا گئدن گلمدی

حاجی حاجینی مكه ده٬ درویش-درویشی تكیه ده گؤرر.

حالوا-حالوا دئمكله آغیز شیرین اولماز.

حاماما گیرن ترلر چیخار.

حامامدان چیخانین اری اولاسان٬ سفردن گله نین آروادی.

حددینی بیلمینه حدینی قاندیرارلار.

حرام مالین بركتی اولماز.

حسابی دوز اولانین آلنی آچیق اولار.

حسن ده قلیان چكر٬ حسین ده قلیان چكر٬ تانباكی بول اولاندا٬ انسمده(طایفامدا) قلیان چكر.

حق باشی آغیر اولار٬ هارداسا گلیب چیخار.

حق-حسابین  دوز ائیله٬ هریاندا اوزون اولسون.

حق سؤز آجی اولار.

حق سؤز دانیشانین (دئیه نین) بؤركونون تپه سی ییرتیق اولار.

حق وئرمزین آدین قویارلار حقوئردی.

حكیمه گئتسن داوا وئرر٬ فالچییا گئتسن دوعا.

حلالزاده باریشدیرار٬ حرامزاده قاریشدیرار.

حیاسی اولمایانین٬ ایمانی هاردان اولار؟

حیالییا جان قوربان٬ اوزاق گز حیاسیزدان.

حیرص گلیر گؤز قیزاریر٬ حیرص گئدیر اوز قیزاریر.

حئیوانی بودوندان داغلارلار٬ انسانی اوره گیندن.

حیله ایله ایش گؤرن٬ محنت ایله جان وئرر.

خارا تومانیم خاریلدار٬ باغیرساقلاریم قیریلدار.

خالا ائوینه دادانان٬ ار ائوینده دوروش گتیرمز. (دایانماز)

خانا-بگه یارادی٬ كئچل خوندویا یارامادی؟

خانا بئكیره لیغی بس دگیل٬ تویوق دا ساخلیر.

خانیم سیندیران قابین سسی چیخماز.

خلق اؤزون قوش قاییراندا٬ بودا اؤزون بایقوش قاییریب.

خوروز اؤلر٬ گؤزو كوللوكده (چؤپلوكده) قالیر.

خوروز چوخ اولان یئرده سحر تئز آچیلیر.

خوش گلدین دربدر٬ خوش گؤردوك مندن بتر.

خوناخا خوناخانین حسابین قلبینده ائلر.

خئیر ایلن شر یولداشدیلار.

خئییر سؤیله  مزه دئدى: خئییر سؤیله٬ سفردن قاییداندا سنه بیر دون گتیرك. دئدی: بلكه گئتدیز گلمه دیز!

خئیر ایسته قونشووا٬ خئیر گلسین باشووا.

خئیری اولسایدی٬ آدی اولاردی خیراوللا.

1392/11/1
بؤلوملر : آتالارسؤزو ,