آی ایشیغی، بولاق باشی، گؤی چمن،
بیر دونیامیز، بیر سن اؤزون، بیر ده من
پرده-پرده گاه آغلایان، گاه گولن-
نفسینله اوخو گؤزل! قوی سسین-
اورهییمده کامان کیمی تیترهسین.
کاروان-کاروان گؤیدن اولدوزلار کؤچور
اؤز بختینه هر کس بیر اولکر سئچیر
قوجالیریق...، عؤمور کئچیر، گون کئچیر
اوخو گؤزل، اوخو گؤزل! قوی سسین-
اورهییمده کامان کیمی تیترهسین.
جان ائویمه سیغیشمایان آرزولار-
بیر دونیادا نئچه دونیا آرزولار.
محبّتین نه ایلکی، نه سونو وار
اوخو گؤزل، اوخو گؤزل! قوی سسین-
اورهییمده کامان کیمی تیترهسین...
صمد وورغون