دابباغ بگندیگی درینی یئردن یئره وورار.

دادانمیسان دولمایا٬ بلكه بیر گون اولمایا!

دادانانینان قودورانی ساخلاماق اولماز.

دارغا عمیمدیر٬ دای (داها ) نه غمیمدیر.

دارغانی ایشدن سالدیلار٬ دئدی: جهنم حاللاجا بازارین زیرت-زیرتیندان قورتولدوق.

داش اوسته اكین اكیلمز.

داش داشا سؤیكه نر دووار اولار.

داش دوشدوگو یئرده آغیر اولار.

داش قایادان نه قوپارار؟

داشقین سو٬ كؤرپو ییخار.

داعوادا حالوا پایلامازلار.

داغ اوچماسا ( ییخیلماسا٬ آغناماسا) دره دولماز.

داغ باشیندان دومان اكسیك اولماز.

داغ داغا یئتیشمز( قووشماز)٬ آدام آداما یئتیشر (قووشار ).

داغ نه قدر اوجا اولسا٬ اوستوندن یوللار آشار.

دالیدان آتیلان داش توپوغا دگر.

داما-داما گؤل اولار٬ دادا-دادا هئچ اولار.

دامی ییخدیم كی كوره ماغیندان قورتولام.

دانیشان یایینار (یاهالار)٬ ییرییه ن (یوروین ) بودوره ر.

دده اولماسان٬ دده قدری بیلمه سن.

دده م منه كور دئدی٬ هر گلنی وور دئدی.

درد باتمانینان گلر٬ میثقالینا چیخار.

دردلی دئیینگن اولور.

دردمندین دردینی عالمده درد اهلی بیلر.

درد وار گلر كئچر٬ درد وار دلر كئچر.

دردین قوی دردیم اوسته٬ اونودا من چكرم.

درزییه دئدیلر كؤچ٬ ایگنه سین تاخدی ( ساشدی ) یاخاسینا.

دروازا قاپیسین باغلاماق اولار٬ خلقین آغزین باغلاماق اولماز.

دریادا كی بالیغین٬ مینی بیر قارا پولا.

دریا سویو كیمی نه ایچیلیر٬ نه كیچیلیر.

دریایا ( دنیزه) دوشن ایلانا ساریلار.

دگیرمانین یاراشیغی توربا ایله چووالدیر.

دگیرمانین بوغازینا اؤلو سالسان دیری چیخار.

دلی دلینی گؤرجك چوماغینی یان توتار (گیزله در).

دلی چؤركچیدن چؤرك قاپاندا٬ باققال باشینا وورار.

دلینین نه طویو اولسون٬ نه یاسی.

دلییه بیر داش آتسان٬ سنی داشا دولویار.

دلییه هر گون بایرامدیر.

دلییه هل وئر٬ الینه بئل وئر.

دمیر قاپینین دا تخته قاپویا ایشی دوشر.

دگنك دلینین٬ سوپورگه گلینین.

دگیرمانا دن تؤكمه سن٬ داش دؤنر داشی سورتر.

دمیری دم چورودر٬ آدامی غم.

دوست اوزوندن تانینار٬ دوشمان گؤزوندن.

دوستو تاپماق آساندیر٬ ساخلاماق چتین.

دوست ووران داش برك اینجیدر.

دوست دوستلا گرك٬ تن اولماسا گن گرك.

دوست منی یاد ائله سین٬ بیر دانا پوچ هل ایلن.

دوست مین اولسا آزدیر٬ دوشمان بیر اولسا چوخ.

دوستلوغو آیی دوستلوغودور.

دوستونو تانیت منه٬ من دئییم كیمسن سنه!

دوستون سنه وئرسه قوم٬ سن اونو اووجوندا یوم.

دوشاب آلمیشیق٬ موراببا چیخیب!

دوشان اویدوغو (یاتدیغی) یئرده اوولانیر.

دوغرو سؤز سؤیلییه نی دوققوز كنددن قووارلار.

دونوزدان بیر توك ده چكسن غنیمتدیر.

دؤولتلىنین الینی پیچاق كسر٬ كاسیب كؤینگین شیری چكر.

دوران اؤكوز یاتان اؤكوزون باشینا تسله ر(سیچار).

دوشمان سنی داشینان٬ سن دوشمانی آشینان.

دوه چی ایله قوهوملوق ائده نین دروازاسی گن گرك.

دوه ده داما چیخارمیش٬ دام دوواری ییخارمیش؟!

دوه نین دیزین باغلا٬ سونرا اللاها ایسمارلا.

دوه یه چیمدیك ٬بیعارا لوغاز كار كسمز.

دوه نین گؤیلوقانقال ایسته سه بوینون اوزادار٬ یئیه ر.

دوه نی یئل آپارسا٬ كئچینی گؤیده آرا.

دوه نظرم٬ بئله گزرم٬ میلچك توتارام٬ باشین ازرم.

دوه گؤردوم٬ قیغین گؤرمه دیم.

دونیانین قویروغو اوزوندور.

دوزه لیب هر یاراغی قالیب ساققال داراغی.

دونیا بئشدی٬ هر بئشی هئچدی.

دونیا دا ان گؤزل شئی٬ الدن گلسه یاخشیلیق.

دونیا دا آداما بیر پیسلیك قالار٬ بیر یاخشیلیق.

دونیا مالی دونیادا قالیر.

دونیا منیم دئیه نین٬ دونن گلدیك یاسیندان.

دونیانین چتین ایشی قانمازی قاندیرماقدیر.

دوزلوكده یئریینمیر٬ شوخومدا شیلاق آتیر.

دوشونه-دوشونه گؤرسه ایشی٬ سوندا پئشمانلیق چكمز كیشی.

دئدیلر: عزرائیل اوشاق پایلیر٬ دئدی: هله منیمكین الیمدن آلماسین.

دئسن قولووام٬ دئیه ر: گل آپاریم ساتیم.

دئدی: نورو ائوده؟ دئدی: قیزی دا ائوده. دئدی: بس اوندا اولدو نورعلی النور!

دیرینی اؤلدورمك اولار٬ اؤلونو دیریلتمك اولماز.

دیشدن آرتار٬ ایشدن آرتماز.

دیلی اوزون اولانین٬ باشی بلالی اولار.

دیلی ایله ایلانی یوواسیندان چیخاردار.

دوشمان قاریشقا اولسا٬ سن اونو بیر فیل سانا.

دوواری آلچاق اولانین دوواریندان باخارلار.

دینمییه نین ده بیر دینه نی وار.

1392/11/1
بؤلوملر : آتالارسؤزو ,