آشیقلار دونیاسی (آشیق‌لیق صنعتی)

آشیق‌لیق مکتبی

چاخماق ایسته ییرم __ تورکش آوشارلی " قوشاچایلی"

آچین قوللاریمی آچین یوللاری 
بو آجی شهردن قاچماق ایستیرم 
آزادلیغیم یاساق ،اولموشام دوستاق 
قیفیللانیب دوداق آچماق ایستیرم 

محکمومام اؤنجه دن  آنا دیلیمه 
حسرتم بیر وطن آدلی گولومه 
باغلیام دونیادا دوغما ائلیمه 
دوغما ائللریمه اوچماق ایستیرم 

نه آلدیق ایللردی قلم یازیدان 
خئییر گؤرمه‌دیک هئچ ،موللا قاضی‌دان 
یورولدوق بو اویون دوشان ،تازی‌دان 
قلمیم یئرینده  پیچاق ایستیرم 

«تورکش»بو شهرده بیل هامی یاتیب 
اینسانلیق قایداسین بوش یئره ساتیب 
کهلیک سایاق ، قاردا دوماندا باتیب 
کهلیک اوچوتماقا                                  چاخماق ایستیرم 

" تورکش آوشارلی "قوشاچایلی " 

تلگرام کانالیمیز : 
♦️🎵 @Asiqlar  
♦️🎵 @AsiqlarDunyasi

آردین گؤستر
سه شنبه 1398.6.5
بؤلوملر : شعرلر,

ایکی ایله اوچده __ آیریلماز

ایکی ایله اوچده




فلک گل آل جانى قورتار منى بو زیللتدن .
بو خسته جانى خیلاص ائیله درد _ محنتدن.

داشا دؤنوبدو اورکلر تمددون عصرینده.
اؤلوبدو عاطیفه یوخدور اثر محببتدن.

گئییب ملک دونونو اؤلکه میزده شئیطانلار.
دؤنوبدو پیر _ موغاندا گؤزل طریقتدن.

ووصال حورویا خاطیر گئجه نامازى قیلیر.
نه شرم ائدیر نه حیا اول ریایی نییتدن.

آیاقلانیبدى شرف تاپدانیبدى ویجدانلار.
دانیشماییر داها بیر کیمسه عار قیرتدن.

آلیبدى دونیانى اینترنئت ایله کامپیوتر.
بیزیمده قیسمتیمیز تسبح اولدو صنعتدن.

ایکی ایله اوچده هله شکک ائدیر موسلمانلار.
گلیبدى تنگه تارى شککیلى عبادتدن.

بو کوفر سؤزلرى آرتیق دانیشما آیریلماز.
خورافات اهلینه چوخ سئویله مه حقیقتدن.

آیریلماز 

آردین گؤستر
سه شنبه 1398.6.5
بؤلوملر : شعرلر,
وبلاقا گؤره


آشیق‌لیق صنعتی
سون یازیلار
بؤلوملر
آچارسؤزلر
سورغو
  • تلگرام کانالیمیزدا و اینستاگرام صفحه میزده وارسینیزمی ؟
باغلانتی لار
ساخلانج
سایغاج
  • ایندی وبلاقدا :
  • بو گونون گؤروشو :
  • دونه نین گؤروشو:
  • بو آیین گؤروشو :
  • بوتون گؤروشلر :
  • یازیلار :
  • باخیشلار :
  • یئنیله مه چاغی :
تام حقوق لار قورونور. آرزوبلاق دان گوج آلیب.