آشیق باهارعلی اعماء بالكانلو

 

رحمتلیك آتام آشیق باهارعلی بالكانلو

 

آشیق باهارعلی اعماء بالكانلو قوشاچایین اوستاد آشیقلاریندان سایلیر ۱۳۲۹جی گونش ایلی بوشهرین "كوردكندی" _ اینده انادان اولوب.اوزدئدیگینه گوره  اوزآتاسی آشیق عبدالعلی دن  درسین آلیب كی اتاسینین ایكی اوستادی واریدی بیری "محمدعلی اقا"كی اوتای آذربایجاننان گلمیشیدی و مهاجیریدی، ساز دوزلدردیر ، دمیرچیلیگ  ائدردیر،هربیر شیئین اوستاسیدی  ،وبیریده "كربلایی حسین "كی ۱۶دفعه سازینان كربلیا زیارته گئدمیشدی ،اتاسی آشیق عبدالعلی ۵۵ئیله یاخین آشیقلیق صنعتینده چالیشیب.

آشیق باهارعلی بیر چوخلو شاگردلرده تربیت ائدیب و آشیقلیق جامعه سینه تحویل وئریبدیر،او جمله دن رحمتلیك آشیق بهروز فرجی ،آشیق بهمن صبوری كی ایندیلك ده بنابدا یاشییر ،آشیق قدرت عزیزی،آشیق جمشید و . . .. آشیق باهارعلی  ۴۵-ئیل آشیقلیق جامعه سینه خدمت ائدیب.ایندیلیكده اوغلو رحمان آتاسینین یولون ادامه وئریر.

رحمتلیگین دئدیگینه گوره،او آذربایجانین داهی مغنیسی اقبال آذرایله بیر مجلیسده اوخویوب و بیرلیكده بیر لئنتا دولدوروبلار كی ایندیلیكده او لئنتا آذربایجان(اورمیه) رادیو آرشیویندا ساخلانیلیئر.

آشیق عومور بویو یایلاقلاردا،قیشلاقلاردا،ائل اوبا تویلاریندا ایشتیراك ائدیب، دئدیگینه گوره قیز طرفیندن اوچ دوره (آنا ،اونون قیزی و نوه سی)،اوغلان طرفیندن ایكی دوره (آتا و اوغول)تؤی ائدیب.آشیق باهار،آشیق هاوالاریندان ۱-۱۳۰ قده ر ساییب ودوزگون شكیلده چالاردی. ۱۳۴۵-جی ایلدن بری شعر یازماق ایله مشغول اولوبدور .

آشیغین یاشاییشی دا ائیشیتمه لیدیر اوزو دئمیش:"فلك منده ن گؤز ایدی"بیر قضا كئچیریب، اوزون موددت دوستاقدا(زنداندا)قالدی اودوستاقدا یازدیغی ،قوشمالار، مكتوبلار، اونون ذیللت و آغیر معیشتینه و چتین یاشاماسینا،ایشاره دیر.سونرالار عیرفان مكتبی ایله یاخیندان تانیش اولوب،عومورونون سونونادك،بیر مئهربان،گولش اوز،اوره گی صاف، ایمانلی، آزارسیز، چالیشقان، درد آنلایان عاریف كیمی یاشادی. همیده او دوستاقدا  اولدوغو زامانلاردا سازبندلیگده ائدیردی.

تأسوف اولسون كی آشیق باهارعلی ۱۳۸۱-جی ئیلین یایینین آخیر آییندا بیر ساییق سیز سوروجونون الی ایله ،قضایا معروض قالئیب ،سازی تیكه -تیكه اولدو.اوزوده اوره یی دردلی ،گوزولری نیگران دونیادان كوچوب، ابدیته قوووشدو.

رحمتلیك آشیق باهارعلینین تحصیلاتی آز اولسایدی دا،اوز صنعتینده شوهرته،معروف،مالیك ایدی.

اوندان چوخلو قوشما،دیوانی،گرایلی،اوستادنامه الده واركی،اؤره نك اوچون  بیرگرایلی آشاغیدا قئید اولونور.قوشاچای آشیقلاری نین ریوایتلرینه گوره،رحمتلیك آشیق باهارعلی دن "سارای" آدیندا بیر آشیق هاواسی وبیر آشیق داستانیدا(توفارقان سفری آدیندا)،یارادیب و آشیق لیق صنعتینه آرتیریبدیر.         

                                                                  روحون شاد،یولون اوزون اولسون.

  گرایلی: 

 

 

       قوربان اؤلوم

یاخشی یامان دؤستون حالین

قانان   دؤستا    قوربان   اؤلوم

آلیشاندا       سندن      قاباخ

یانان   دؤستا    قوربان   اؤلوم

 

ناحاق  دوشدوم   بو  دوستاغا

بیر  كسیم  یوخ  سؤز   دئماغا

بو    حالدا     منی     گؤرماغا

گلن    دؤستا    قوربان   اؤلوم

 

وفالی   دؤست   یئته ر     دادا

آللانماز       شؤهرته         آدا

شرافتلی      بو          دونیادا

قالان   دؤستا    قوربان   اؤلوم

 

من   گؤرمیشم   چؤخو    آزی

خزان    باهار     پاییز      یازی

باهار   دئیه ر   تئللی    سازی

چالان   دؤستا   قوربان   اؤلوم.

1392/12/11